A Asociación Autismo Ourense recibe apoio para o desenvolvemento do Programa de apoio integral a familias de persoas con TEA.
A Consellería de Política Social e Igualdade da Xunta de Galicia apoia á nosa entidade, a través da asignación tributaria do 0,7 % do IRPF, para o desenvolvemento do Programa de apoio integral a familias de persoas con trastorno do espectro do autismo (TEA), correspondente á convocatoria de 2025.
Esta colaboración resulta fundamental para continuar desenvolvendo accións de apoio psicosocial, formación e acompañamento ás familias e aos profesionais, así como actividades de sensibilización que contribúen a fortalecer a rede de coidados e mellorar a calidade de vida das persoas con TEA e do seu entorno familiar.
Desde a Asociación Autismo Ourense agradecemos o apoio institucional da Xunta de Galicia, que nos permite seguir avanzando no noso compromiso coas persoas con autismo e as súas familias, promovendo unha atención integral e contribuíndo a construír unha sociedade máis inclusiva.